ПҮРЭВ, Jul 07, 2022

У.Хүрэлсүх: Онцгой байдлын байгууллагыг орчин үеийн мэргэжлийн болгон хөгжүүлэхийг бүх талаар дэмжинэ

6/ 21/ 2022    9 цаг 04 минут

Онцгой байдлын албаны 18 жилийн ойн баярын хүндэтгэлийн хурал Соёлын төв өргөөнд болж, Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүх нийт бие бүрэлдэхүүнд баяр хүргэн, ажлын амжилт хүсэн ерөөв.

Тэрбээр Орхон аймгийн Онцгой байдлын газрын Эрэн хайх, аврах ангийн аврагч-химичин, ахлах ахлагч Жамсрандоржийн Балданнямд “Онцгой байдлын албаны анхны сайдын нэрэмжит шагнал” болон 20 сая төгрөгийг гардуулав.

Ахлах ахлагч Ж.Балданням нь 17 жилийн хугацаанд аюулт үзэгдэл, ослын 129 дуудлагаар ажиллаж, 57 хүний амь насыг аварч, 67 буцалтгүй нэрвэгдэгчийг гарган, ой, хээрийн болон объектын гал түймэр унтраахад оролцож, аж, ахуйн нэгж, байгууллага, иргэд, улсын 780 сая төгрөгийн өмч хөрөнгийг авран хамгаалжээ.

Монгол Улсын Ерөнхийлөгч хүндэтгэлийн хурлыг нээж хэлсэн үгийг бүрэн эхээр нь хүргэж байна.


МОНГОЛ УЛСЫН ЕРӨНХИЙЛӨГЧ УХНААГИЙН ХҮРЭЛСҮХ:

“Эрхэм хүндэт генерал, офицер, ахлагч, ажилтан, алба хаагчид аа,
Онцгой байдлын байгууллагын тулгын чулууг тавилцсан эрхэм хүндэт ахмадууд аа,

Та бүхэнд Монгол Улсын аюулгүй байдал, ард иргэдийн амгалан тайван амьдралын нэгэн баталгаа болсон Онцгой байдлын байгууллагын болон, тус газрын харьяа Үндэсний аврах бригадын 55, Уул уурхайн аврах 09 дүгээр ангийн 70 жилийн ойн баярын мэнд хүргэе.

Одоогоос 18 жилийн өмнө эх орон, ард түмнийхээ амар амгалан, аюулгүй байдлын төлөө зүтгэж ирсэн Гал түймэртэй тэмцэх байгууллага, Иргэний хамгаалалтын байгууллага, Улсын нөөцийн байгууллага нэгдэн нэгэн тугийн дор жагсаж, гамшгаас хамгаалах нэгдсэн тогтолцоонд шилжсэнээр Онцгой байдлын байгууллага үүсэн байгуулагдсан билээ.

Эх орон, ард түмнээ гамшгийн аюул, эрсдлээс хамгаалахын төлөө алтан амиа зориулах тангарагтай, нэр хүнд, сахилга бат, ажил үйлсээрээ үлгэр дуурайл үзүүлж байдаг алба хаагчдаараа Монголын ард түмэн, төр, засаг үргэлж бахархдаг бөгөөд Та бүхнийг “Энх цагийн эгэл баатрууд” хэмээн хүндэтгэн хайрладаг билээ.

Өнгөрсөн хугацаанд онцгой байдлын байгууллагын удирдлагын тогтолцоо, хууль эрх зүйн орчин бүрэлдэж, техник, тоног төхөөрөмжийн хангалт, хүчин чадал нэмэгдэн, алба хаагчдын мэргэжлийн ур чадвар жилээс жилд өсөн хөгжиж байгаад сэтгэл хангалуун байна.

Тус байгууллагын түүхэн замнал та бүхний хичээл зүтгэл, идэвх санаачилга, гавьяат үйлс, туршлага, сургамжаар улам бүр зузаарсаар байна.

“Ковид-19” цар тахалтай хийсэн тэмцэл Онцгой байдлын байгууллагын удирдлага, алба хаагчдын бэлэн байдал, бэлтгэлжилтийг сорьсон томоохон шалгалт боллоо.

Цар тахлын үеийн хорио цээрийн дэглэмд ард иргэдийнхээ амь нас, аюулгүй байдлыг сахин хамгаалахын төлөө гэр бүл, үр хүүхдээ орхин, өдөр шөнөгүй хүчин зүтгэж, амь нас, эрүүл мэндээ үл хайрлан, тэргүүн шугамд ажилласан Та бүхэнд ард иргэдийнхээ нэрийн өмнөөс гүн талархал илэрхийлье. 

Мэргэжлийн байгууллагуудын чадавхыг нэмэгдүүлэн хүн ам, хүрээлэн буй орчны аюулгүй байдлыг хангах, уур амьсгалын өөрчлөлтийн нөлөөллийг багасгах, байгаль экологийн тэнцвэрт байдлыг хадгалах, гамшгийн хор хохирлыг бууруулах асуудал төрийн тэргүүний анхаарлын төвд байнга байдаг билээ.

Монгол Улсын Ерөнхийлөгчийн мөрийн хөтөлбөрийн “Ногоон хөгжил-Монголын ирээдүй” зорилтын хүрээнд байгаль орчноо хамгаалах, эрүүл экологитой газар нутгаа үр хойчдоо өвлүүлэн үлдээх зорилгоор “Тэрбум мод” үндэсний хөдөлгөөн, Хөвсгөл нуурын экосистемийг хамгаалах, бохирдлыг бууруулах, нуурт живсэн автомашин, техникүүдийн татан гаргах зэргийг санаачлагыг хэрэгжүүлж байна.

Үүнд Онцгой байдлын байгууллагын алба хаагчид та бүхэн манлайлан оролцож байгааг талархан тэмдэглэж байна. 

Хөвсгөл нууранд 36 жилийн өмнө живсэн “Сүхбаатар” хөлөг онгоцыг өнгөрсөн онд татаж гарган, нуурыг бохирдуулж байсан нэг том эх үүсвэрийг аюулгүй болгосон нь бидний хувьд томоохон сорилт байсан төдийгүй хамтарч, зориглоод ажиллавал бид чадна гэдгийг харуулсан, итгэл найдвар төрүүлсэн ажил боллоо.

Цаашид мод үржүүлэх, ойн сан, ой модны нөөцийг нэмэгдүүлэх, хүнсний хангамжийг сайжруулах, байгаль дэлхийгээ хамгаалах, ой, хээрийн түймрээс сэргийлэхэд та бүхний үүрэг, оролцоо хамгийн чухал болохыг цохон тэмдэглэж байна.

Төрийн цэргийн байгууллагын хувьд Онцгой байдлын байгууллагын алба хаагчдын цэргийн мэргэжлийн ур чадвар жилээс жилд өсөж байгаа нь сайшаалтай.

Цэргийн алба хаагчдын мэргэжлийн ур чадвар, бие бялдар, сэтгэл зүйн бэлтгэл, тэсвэр хатуужлыг сорьдог Монгол Улсын Ерөнхийлөгч, Зэвсэгт хүчний Ерөнхий командлагчийн нэрэмжит “Марш-тусгай бэлтгэлийн цогцолбор тэмцээн”-д Онцгой байдлын байгууллагын алба хаагчид дэд байрт шалгарсан бахдам амжилт үзүүллээ.

Та бүхэнд дахин баяр хүргэж, амжилт хүсье.

Онцгой байдлын албаны анхны сайд, Монгол Улсын Шадар сайдаар хоёр удаа томилогдон ажиллахдаа Онцгой байдлын байгууллагын суурийг та бүхэнтэй тавилцаж, хөгжүүлэн бэхжүүлэх үйлсэд санаа зорилго, итгэл сэтгэл нэгдэн хамтдаа зүтгэсэн он жилүүд миний амьдралын хамгийн дурсамжтай үе байдаг.

Та бүхэнтэй хамт гамшиг, ослын голомтод  үүрэг гүйцэтгэж байхад халширч шантарсан, зориг тэвчээр алдарсан нэг ч үгийг та бүхнээс сонсож байгаагүйгээ эргэн дурсахад бахархалтай сайхан байна.

Ийм л эх орны эр зоригтой охид, хөвгүүд байдаг учраас ард түмэн Та бүхнээр бахархдаг юм шүү.

Онцгой байдлын албаны тулгын чулууг тавилцсан үе үеийн удирдлага, энэ байгууллагатай ажил амьдралаа холбосон чөлөөнд байгаа алба хаагчид, ахмадууддаа баярын мэндийг өргөн дэвшүүлье.

Энэ ойн баярын өдөр Монгол төрийн тэргүүн зарлиг буулгаж, хурандаа генерал С.Равдангийн нэрэмжит, Цэргийн гавьяаны улаан тугийн одонт Үндэсний аврах бригадыг Сүхбаатарын одонгоор, Уул уурхайн аврах 09 дүгээр ангийг Алтан гадас одонгоор шагнаж, Онцгой байдлын албаны удирдах албан тушаалтнуудад генерал цол олгон, зарим шилдэг алба хаагчийг төрийн одон, медалиар шагналаа.

Эх орон, ард түмнийхээ итгэлийг зүтгэлээр хариулж, үүргээ нэр төртэй гүйцэтгэж байгаа Та бүхэндээ цэргийн дээд цол, төрийн одон, медалиар шагнуулсанд баяр хүргэж, цаашдын албанд тань улам өндөр амжилт хүсэн ерөөе.

Баярын энэ өдөр Онцгой байдлын асуудал эрхэлсэн анхны сайдын нэрэмжит шагнал бий болгож, эх орон, ард түмнийхээ төлөө онцгой гавьяа байгуулсан нэг алба хаагчид жил бүр олгож байх болсон нь нэн сайшаалтай.

Монгол Улсын Ерөнхийлөгч, Зэвсэгт хүчний Ерөнхий командлагч цаашид гамшгаас хамгаалах үндэсний чадавхыг бэхжүүлэх, гамшигтай тэмцэх, эрэн хайх, аврах, хор уршгийг арилгах, хойшлуулшгүй сэргээн босгох ажиллагааг дэлхий нийтийн хөгжлийн чиг хандлагад нийцүүлэх, эрх зүйн орчныг нь төгөлдөржүүлж, орчин үеийн мэргэжлийн байгууллага болгон хөгжүүлэх зорилтыг бүх талаар дэмжих болно.

Эрхэм хүндэт цэрэг эрс, Онцгой байдлын алба хаагчид Та бүхнийхээ онцгой хариуцлагатай бөгөөд нэр хүндтэй их үйлсэд амжилт бүтээлийн дээдийг хүсэн ерөөе.

Баярт энэ өдрийг тохиолдуулан эх орон, ард түмнийхээ төлөө зүтгэж байгаа Та бүхний бат бэх ар тал, ёс суртахууны өндөрлөг болж байдаг гэр бүл, төрөл төрөгсөд, үр хүүхдүүдэд тань чин сэтгэлийн талархал илэрхийлж, баярын мэнд хүргэе.

Мөнх хөх тэнгэрийн хүчин дор Монгол Улс мандан бадрах болтугай.

Монгол Улсын төлөө зүтгэе” гэлээ.



АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно.

Сэтгэгдэл бичих

ШИНЭ МЭДЭЭ

Гэмт хэргийн хохирогч, гэрч болсон хүүхдээс мэдүүлэг авах жишиг өрөө байгууллаа7 сар 6. 8:00Наадмаар зах, худалдааны төв, сүлжээ дэлгүүрийн ажиллах цагийн хуваарь7 сар 6. 7:55Б.Шаравын гудамж хүртэл шинээр тавих 0.89 км авто замын хучилтыг хийнэ7 сар 6. 7:50Европын чиглэлд зорчиж буй зорчигчдийн анхааралд7 сар 6. 7:45Ойн агентлаг байгуулагдлаа7 сар 6. 7:40Эгийн голын усан цахилгаан станц барих төслийг ОХУ-тай хамтран хэрэгжүүлэх хүсэлтэй байгаагаа Ерөнхий сайд илэрхийлэв7 сар 6. 7:35Гомдлын шаардлагын зөвлөлийн дүрмийг шинэчлэн баталлаа7 сар 6. 7:30Мэргэжлийн болон техникийн боловсрол, сургалтын тухай хуулийн шинэчилсэн найруулгын төслийг УИХ-д өргөн мэдүүлнэ7 сар 6. 7:25Улсын хэмжээнд 570.8 мянган га-д тариалалт хийгээд байна7 сар 6. 7:20УИХ-ын дарга Г.Занданшатар ОХУ-ын Гадаад хэргийн сайд С.В.Лавровыг хүлээн авч уулзав7 сар 6. 7:15Монгол Улсын Ерөнхийлөгч У.Хүрэлсүхэд ОХУ-ын Гадаад хэргийн сайд С.В.Лавров бараалхав7 сар 6. 7:10Гадаад харилцааны сайд Б.Батцэцэг ОХУ-ын Гадаад хэргийн сайд С.В.Лавровтой хэлэлцээ хийв7 сар 6. 7:05Яаралтай худалдан авах ажиллагаан дахь авлига: Филиппиний сургамж7 сар 5. 8:05ОХУ-ын Гадаад хэргийн сайд Сергей Викторович Лавров Монгол Улсад айлчилна7 сар 5. 8:00Могойд хатгуулсан үед үзүүлэх анхны тусламж7 сар 5. 7:55“Чингис хаан” ОУНБ-д өтгөн манан татсаны улмаас “МИАТ” ТӨХК-ийн нислэг “Буянт-Ухаа” ОУНБ-д газардлаа7 сар 5. 7:50Энэ долоо хоногт нутгийн зүүн хагаст хур бороо ихтэй байна7 сар 5. 7:45Үерийн аюулаас сэрэмжтэй байхыг анхааруулж байна7 сар 5. 7:40МХЕГ: Сүхбаатар онгоцны үйлдвэрлэгчийн зориулалтыг өөрчилсөн, аврах завь, усчин аврагч хүрэлцээгүй, тусгай зөвшөөрлийн хугацаа дууссан байна7 сар 5. 7:35Рашаан, булгийн усны цацрагийн аюулгүй байдалд хяналт шинжилгээ хийлээ7 сар 5. 7:30Наадмын өдрүүдэд гамшгаас урьдчилан сэргийлж ажиллахыг үүрэг болголоо7 сар 5. 7:25Ерөнхий сайд Л.Оюун-Эрдэнэ Сингапур улсад албан ёсны айлчлал хийнэ7 сар 5. 7:25“Хуралдай” клубын дөрөв дэх удаагийн уулзалт боллоо7 сар 5. 7:20Наадмын өдрүүдэд тээврийн хэрэгслийн бүртгэлийн үйлчилгээ авах салбаруудын ажиллах цагийн хуваарь7 сар 5. 7:15Цэргийн ёслолын жагсаалд 4000 гаруй алба хаагч оролцоно7 сар 5. 7:10Нарита-Улаанбаатар чигчлэлийн зорчигчдын анхааралд!7 сар 5. 7:05Үс шинээр үргээлгэх буюу засуулбал өнгө зүс сайжирна7 сар 5. 7:00Монгол Улсыг үхрийн цээж өвчингүй, эрүүл бүс болохыг баталгаажуулсан гэрчилгээ олголоо7 сар 4. 8:00Хилийн чанад дахь монголчуудын нэгдсэн чуулга уулзалт болно7 сар 4. 7:55Чингэлтэй, Сүхбаатар дүүргийн ойн санд хортон шавж устгалын бодис цацна7 сар 4. 7:50Төсвийн хөрөнгийн зарцуулалттай холбоотой гомдол давамгайлав7 сар 4. 7:45Киргизийн Эрүүл мэндийн сайд авлигын хэргээр баривчлагджээ7 сар 4. 7:40Монгол Улсын Их Хурлын тухай хуульд нэмэлт оруулах тухай хуулийн төслийг өргөн мэдүүллээ7 сар 4. 7:35Улаанбаатар-Дархан чиглэлийн авто замын бүтээн байгуулалтын хэрэгжилтийн талаар санал солилцлоо7 сар 4. 7:30Завьт эргүүлүүд голын салаанд боогдсон иргэдийг татан гаргав7 сар 4. 7:25УИХ-ын дарга Г.Занданшатар АХБ-ны Зүүн Азийн газрын ерөнхий захирал М.Тереза Хог хүлээн авч уулзлаа7 сар 4. 7:20Төмөр замын шинэ гарц Чойбалсан-Хөөт-Бичигт чиглэлийн төмөр замын төслийн ажлыг эхлүүллээ7 сар 4. 7:15МИАТ ТӨХК Улаанбаатар-Гуанжоу-Улаанбаатар чиглэлд нислэг үйлдэнэ7 сар 4. 7:10Франкфуртын Фрапорт олон улсын нисэх буудал бүрэн хүчин чадлаараа ажиллах боломжгүй байна7 сар 4. 7:05Үс шинээр үргээлгэх буюу засуулбал эд мал ардидна7 сар 4. 7:00
© 2018 FREEZONE.MN  Facebook Twitter Youtube